منتـــــــــديــات الســـــــــــــــــــــــــــــــــــاحـــــــــــــر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتـــــــــديــات الســـــــــــــــــــــــــــــــــــاحـــــــــــــر

Elsa7er Hearts
 
الرئيسيةأحدث الصورالتسجيلدخول

 

 انواع الولاد على النت

اذهب الى الأسفل 
2 مشترك
كاتب الموضوعرسالة
الساحر
Admin
Admin
الساحر


ذكر
عدد الرسائل : 662
العمر : 39
الموقع : https://elsa7er.own0.com
تاريخ التسجيل : 14/01/2008

بطاقة الشخصية
العب:
انواع الولاد على النت Left_bar_bleue1/1انواع الولاد على النت Empty_bar_bleue  (1/1)

انواع الولاد على النت Empty
مُساهمةموضوع: انواع الولاد على النت   انواع الولاد على النت Emptyالأربعاء يناير 16, 2008 4:40 pm

فى البداية احب اوضح ان دى مش الانواع الوحيدة الموجودة،لان فى شخصيات محترمة وكويسة كتييييير
االنوع الاول: الي يدوبك لسه متعلم يدخل نت

طبعا العمر يتراوح من 17 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم
لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

النوع التانى: الي بيقعد على النت بس مش
كتير النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي


والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

النوع التالت: الي قاعد على النت ليل نهار ده بقى شرحه يطول وينقسم لعدة انواع
1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف
وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك
3- المودي
دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة
جنان كفايه الي الواحد فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
قلتيله ثواني هيقولك ليه رايحة فين؟ متتاخريش ... ايه ده انتي لسه
مجيتيش ؟؟؟

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة
الرجوع الى أعلى الصفحة اذهب الى الأسفل
https://elsa7er.own0.com
snowwhite2013
عضو جديد
عضو جديد
snowwhite2013


انثى
عدد الرسائل : 24
العمر : 34
تاريخ التسجيل : 29/05/2008

انواع الولاد على النت Empty
مُساهمةموضوع: رد: انواع الولاد على النت   انواع الولاد على النت Emptyالأحد يونيو 29, 2008 8:34 pm

هههههههههه بجد موضوع هايل ومنك نستفيد بردو
الرجوع الى أعلى الصفحة اذهب الى الأسفل
 
انواع الولاد على النت
الرجوع الى أعلى الصفحة 
صفحة 1 من اصل 1
 مواضيع مماثلة
-
» افحص نظرك على النت والكشف مجانا وعينك فى عنينا
» عاوز تصمم موقع لنفسك وتحطة جاهز على النت ...تعالة هنا
» انواع الرجااااال

صلاحيات هذا المنتدى:لاتستطيع الرد على المواضيع في هذا المنتدى
منتـــــــــديــات الســـــــــــــــــــــــــــــــــــاحـــــــــــــر :: منتدى الاداره للساحر :: كل ما يخص المراءه-
انتقل الى: