(((((((( زيها زى غيرها))))))
زيها زى غيرها .... مافيش فرق بنها
شفت بعينى جرحى...وبقيت الجرح منها
زى ماقالو هيا قالت .... بردو زى ماخانو خانت
هيا دى ياقلبى اللى كانت....فرحتك حلم شبابك
وابتدا مشوارى تانى.... واتعهد مع الانانى
بالوعود رسم امانى.... بالجراح صحا عذابك
كلهم فى الاصل واحد..واللى يفرق الوجوه
واللى فات زمان بواحد...جرح تانى بيعيدوه
...............................
ايوه قالت انها ......مش هتعشق حد غيرى
شفت ايه انا منها..... غير خداعى وكان مصيرى
زى غيرها اتمسكنت ...لما جات واتمكنت
هدت الحلم بأديها.... زى غيرها اتعلمت
...............................
النهايا مش دموعى ....او جراح تهدم حنينى
لو بأدها طفت شموعى...يبقى لما خنتنى عينى
زى غيرها حلم كان .....والنهايا الحب هان
واللى ضحتلو بحياتى....بالقيه بالكدب خان
